شرح سود برقرار رکھنا ٹیکس دہندگان پر مہنگا بوجھ ہے: گوہر اعجاز

سابق نگران وفاقی وزیر اور چیئرمین اکنامک پالیسی اینڈ بزنس ڈیولپمنٹ گوہر اعجاز نے اسٹیٹ بینک کی جانب سے شرح سود کو 11 فیصد پر برقرار رکھنے کے فیصلے پر تحفظات کا اظہار کیا ہے۔

گوہر اعجاز نے کہا کہ یہ فیصلہ ایماندار ٹیکس گزاروں پر خطے کا سب سے مہنگا بوجھ ڈالنے کے مترادف ہے، کیونکہ پاکستان میں شرح سود خطے کے تمام ممالک سے زیادہ ہے۔

 گوہر اعجاز کے اہم نکات:

• پاکستان: مہنگائی 3%، شرح سود 11%

• بھارت: مہنگائی 1.5%، شرح سود 5.5%

• بنگلہ دیش: مہنگائی 8.3%، شرح سود 10%

انہوں نے کہا کہ مالیاتی خسارے پر قابو پانے کے لیے ضروری ہے کہ شرح سود کو مہنگائی کے تناسب سے کم کیا جائے، تاکہ نجی شعبے کو بھی ترقی کے یکساں مواقع مل سکیں۔

گوہر اعجاز کا کہنا تھا کہ معیشت کو پائیدار ترقی کی جانب لے جانے کے لیے ایک فیصلہ کن اور منصفانہ مانیٹری پالیسی اپنانا ہوگی۔