وکیل ایمان مزاری کے لائسنس منسوخی کے لیے ریفرنس دائر

اسلام آباد:انسانی حقوق کی وکیل ایمان مزار کے خلاف لائسنس منسوخی کا ریفرنس دائر کردیا گیا۔

میڈیا رپورٹس کے مطابق اسلام آباد بار کونسل میں ایڈووکیٹ ایمان مزاری کے خلاف لائسنس منسوخی کا ریفرنس دائر کر دیا گیا ہے،یہ ریفرنس ایڈوکیٹ عدنان اقبال کی جانب سے دائر کیا گیا ہے۔

 دائر کر دہ ریفرنس میں ایمان مزاری پر ریاست مخالف سرگرمیوں میں ملوث ہونے کا الزام عائد کیا گیا ہے۔

ریفرنس میں استدعا کی گئی ہے کہ ایمان مزاری کا مستقل وکالت کا لائسنس منسوخ کیا جائے اور ان کے خلاف باضابطہ انکوائری کی جائے۔

واضح رہے کہ  آج ای سی ایل کیس میں ایمان مزاری اسلام آباد ہائیکورٹ میں پیش نہیں ہوئیں، جس پر عدالت نے سماعت ملتوی کردی۔

خیال رہے کہ گزشتہ روز ایڈوکیٹ ایمان مزاری نے اسلام آباد ہائیکورٹ کے چیف جسٹس سردارسرفرازکے ساتھ ہونے والی تلخ کلامی کے معاملے ہراسمنٹ کمیٹی میں شکایت جمع کروا دی۔

جسٹس ثمن رفعت امتیاز اسلام آباد ہائیکورٹ کی خواتین سے ہراسمنٹ کی انکوائری کمیٹی کی سربراہ ہیں۔