ایشیا کپ 2025: بنگلہ دیش کا افغانستان کو جیت کے لیے 155 رنز کا ہدف

ایشیا کپ 2025 کے نویں میچ میں بنگلہ دیش نے افغانستان کو جیت کے لیے 155 رنز کا ہدف دیا ہے۔
یہ میچ دبئی انٹرنیشنل کرکٹ اسٹیڈیم میں کھیلا جا رہا ہے، جہاں بنگلہ دیش نے پہلے بیٹنگ کرتے ہوئے 5 وکٹوں کے نقصان پر 154 رنز بنائے۔

تنزید حسین نے جارحانہ بلے بازی کا مظاہرہ کرتے ہوئے صرف 31 گیندوں پر 52 رنز اسکور کیے۔ سیف حسن نے 30 اور توحید ہردوئے نے 26 رنز بنا کر ٹیم کی مجموعی پوزیشن مضبوط کی۔

افغانستان کی جانب سے کپتان راشد خان اور نور احمد نے عمدہ بولنگ کا مظاہرہ کرتے ہوئے دو، دو وکٹیں حاصل کیں۔

واضح رہے کہ اگر افغان ٹیم یہ میچ جیتنے میں کامیاب ہوتی ہے تو وہ سپر فور مرحلے کے لیے کوالیفائی کر لے گی، جب کہ بنگلہ دیش کے لیے اس میچ میں کامیابی ضروری ہے تاکہ ایونٹ میں اپنی جگہ برقرار رکھ سکے۔