سونے کی قیمت میں آج پھر ہزاروں روپے کا اضافہ ،فی تولہ کتنے کا ہو گیا؟

کراچی :عالمی اور مقامی مارکیٹ میں سونے کی قیمت میں مسلسل دوسرے روز اضافہ ریکارڈ کیا گیا ہے جس کے بعدسونا تاریخ کی بلند ترین سطح پر پہنچ گیا۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز مقامی مارکیٹوںمیں فی تولہ سونا 5100روپے مہنگا ہوا ہے جس کے بعدسونے کی نئی قیمت بڑھ کر 3 لاکھ 98 ہزار 800 روپے کی بلند ترین سطح پر آگئی۔

اس کے علاوہ فی دس گرام سونے کی قیمت میں بھی 4372روپے کا اضافہ ریکارڈ کیا گیا ہے جس کے بعد دس گرام سونے کی نئی قیمت بڑھ کر 3لاکھ 41ہزار 901روپے بلند ترین کی سطح پر پہنچ گئی۔

دوسری جانب عالمی بلین مارکیٹ میں فی اونس سونے کی قیمت 51ڈالر کے اضافے سے 3ہزار 770ڈالر کی بلند سطح پر آگئی۔

خیال رہے کہ گزشتہ روز بھی سونے کی قیمت میں 3400روپے کا اضافہ دیکھا گیا تھا۔