رینجرز کی اورنگی ٹاؤن میں کارروائی، ملزم گرفتار، کمپیوٹر برآمد

ترجمان رینجرز کے مطابق   گرفتار ملزم آصف مغل سے زیر استعمال کمپیوٹر بھی برآمد کرلیا گیا ہے، ملزم نے انکشاف کیا کہ وہ انفارمیشن ٹیکنالوجی کا ماہر ہے،ملزم مختلف ملکوں کے بنک اکاؤنٹس اور کریڈٹ کارڈ ہیک کرنے کاماہرہے، ملزم اپنے بنائے گئے کال سینٹر سے حاصل معلومات پر کسٹمر کو گمراہ کرتا تھا۔

ترجمان رینجرز کا کہنا ہے کہ  ملزم کسٹمرز سے او ٹی پی لیکر ان کے اکاؤنٹس سے پیسے نکال لیتا،ملزم 2012 سے اس کام میں سرگرم ہے اور عوام کو بڑا نقصان پہنچا چکا ہے، ملزم 2014 سے 2016 تک متعدد بار م ملائیشیا بھی جاچکا ہے، ملزم کو ضروری کارروائی کے لیے ایف آئی اے کے حوالے کردیا گیا ہے۔