وفاقی آئینی عدالت کی کاز لسٹ جاری :تین بینچز کل سے مقدمات کی سماعت کرینگے

اسلام آباد:وفاقی آئینی عدالت کے مقدمات کی سماعت کی پہلی کاز لسٹ جاری کردی گئی ہے ۔

تفصیلات کے مطابق آئندہ ہفتے وفاقی آئینی عدالت میں تین بینچز مقدمات کی سماعت کریں گے۔

چیف جسٹس وفاقی آئینی عدالت امین الدین خان کل سے مقدمات سنیں گے۔جسٹس حسن اظہر رضوی بھی کل سے مقدمات کی سماعت کا آغاز کرینگے۔

اسی طرح جسٹس عامر فاروق اور جسٹس کے کے آغا پر مشتمل دو رکنی بنچ بھی مقدمات سُنے گا۔

وفاقی آئینی عدالت کے قیام کے بعد یہ پہلی کاز لسٹ ہے، جس کے تحت اہم آئینی مقدمات کی کارروائی آئندہ ہفتے شروع ہوگی۔

واضح رہے کہ وفاقی آئینی عدالت کے چیف جسٹس امین الدین خان نے 14 نومبر کو اپنا پہلا بڑا فیصلہ کرتے ہوئے وفاقی آئینی عدالت کا رجسٹرار تعینات کیا تھا، سابق ڈسٹرکٹ اینڈ سیشن جج محمد حفیظ کو رجسٹرار آئینی عدالت جبکہ مظہر بھٹی کو سیکرٹری ٹو چیف جسٹس وفاقی آئینی عدالت تعینات کیا گیا۔