عالمی و مقامی مارکیٹ میں سونے کی قیمت میں ہوشربا اضافہ، فی تولہ کتنے کا ہو گیا؟

کراچی : کاروباری ہفتے کے دوسرے روز عالمی و مقامی مارکیٹوںمیں سونے کی قیمت میںنمایاں اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے دوسرے روز مقامی مارکیٹوںمیں سونے کی فی تولہ قیمت میں 7700 روپے کا بڑا اضافہ ہوا ہےفی تولہ سونا 7 ہزار 700 روپے تک مہنگا ہونے سے نئی قیمت 4 لاکھ 36 ہزار 562 روپے کی سطح پر آ گئی ہے۔

ایسوسی ایشن کے مطابق اسی طرح10 گرام سونے کے نرخ میں 6 ہزار 601 روپے کا اضافہ ہونے سے نئے نرخ 3 لاکھ 74 ہزار281 روپے ہو گئے ہیں۔

دوسری جانب عالمی بلین مارکیٹ میں سونے کے نرخ میں77 ڈالر کا اضافہ ہونے سے فی اونس قیمت 4142 ڈالر ہو گئی ہے۔

اس کے برعکس ملک میں چاندی کی فی تولہ قیمت میں 152 روپے کا اضافہ ہونے سے قیمت 5422 روپےہو گئی ہے۔

خیال رہے کہ گزشتہ روز سونے کی قیمتوں میں استحکام رہا تھا۔