انتخابی ضابطہ اخلاق کی خلاف: الیکشن کمیشن نے وزیر اعلی سہیل آفریدی کیخلاف فیصلہ محفوظ کر لیا

اسلام آباد:الیکشن کمیشن آف پاکستان (ای سی پی ٌ نے وزیراعلیٰ خیبر پختونخوا سہیل آفریدی کیخلاف انتخابی ضابطہ اخلاق کی خلاف ورزی کیس کا فیصلہ محفوظ کر لیا۔

تفصیلات کے مطابق چیف الیکشن کمشنر کی سربراہی میں 5 رکنی کمیشن نے وزیراعلیٰ سہیل آفریدی کیخلاف انتخابی ضابطہ اخلاق کی خلاف ورزی کیس کی سماعت ہوئی۔

دوران سماعت وزیر اعلی سہیل آفریدی الیکشن کمیشن میں پیش ہوئے۔

سماعت کے دوران وکیل لیگی امیدوار نے کہا کہ آئین کے آرٹیکل218 تھری کے تحت کمیشن کو کارروائی کا اختیار ہے، لہذاٰسہیل آفریدی خلاف کارروائی کی جائے،جبکہ الیکشن کمیشن حکام نے کہا کہ سہیل آفریدی کے خلاف الگ الگ درخواستیں آئیں۔

دوسری جانب وکیل سہیل آفریدی علی بخاری نے کہا کہ ایک کیس ڈی آر او آفس اور ایک یہاں چل رہا ہے، ہمارے خلاف چاروں درخواستیں یکجا کر دیں۔

وکیل سہیل آفریدی نے کہا کہ اگر حلقےسے باہر تقریر پری پول دھاندلی ہے توآپ نئی روایات ڈال رہے ہیں۔

جس پر چیف الیکشن کمشنر نے کہا کہ ہم نے آپ کے نکات نوٹ کر لئے ہیں، مناسب حکم جاری کریں گے، بعدا ازاں الیکشن کمیشن نے سہیل آفریدی کی درخواست پر فیصلہ محفوظ کر لیا۔