سہ ملکی سیریزفائنل: سری لنکا کا پاکستان کو جیت کے لیے 115 رنز کا ہدف

راولپنڈی: سہ ملکی ٹی ٹوئنٹی سیریزکے فائنل  میں سری لنکا نے پاکستان کو جیت کےلیے 115رنز کاہدف دے دیا۔

تفصیلات کے مطابق راولپنڈی میں کھیلے جا رہے فائنل میچ میں سری لنکن ٹیم پہلے کھیل کر 114 رنز بنا کر آؤٹ ہوئی،سری لنکا کی آخری 8 وکٹیں صرف 16 رنز پر گریں۔

سری لنکن ٹیم کی جانب سے مشرا نے47گیندوں پر 59رنز اسکور کیے جب کہ پاکستان کی جانب سے شاہین آفریدی اور محمد نواز نے 3، 3 وکٹیں حاصل کیں۔

اس سے قبل پاکستان نے ٹاس جیت کر فیلڈنگ کرنے کا فیصلہ کیا تھا جو کہ درست ثابت ہوا اور پاکستانی باؤلرز نے سری لنکا کو کم ہدف تک محدود رکھا۔

ٹاس کے موقع پر سلمان آغا کاکہنا تھا کہ معمولی پچ نہیں پھر بھی اچھے رنز بننے کی امید  ہے ، لگتا ہے اس پچ پر 170 سے 180 کے قریب رنز بنیں گے ،انہوں نے کہا کہ ہم اچھی کرکٹ کھیلنے کی کوشش کریں گے ، فائنل میچ کو دیگر میچز کی طرح کھلیں گے ۔

واضح فائنل میچ سے قبل ٹرافی کی رونمائی کی گئی، دونوں کپتانوں نے ٹرافی کے ساتھ تصاویر بنوائیں تھیں۔