خطے میں قیام امن کیلئے افغانستان میں امن ضروری ہے، طالبان سے بات چیت کرنے کوتیار ہیں،اسحاق ڈار

اسلام آباد:وزیر خارجہ و نائب وزیر اعظم اسحاق ڈار نے کہا ہے کہ خطے میں قیام امن کیلئے افغانستا ن میں امن ضروری ہے،طالبان سے کہا کہ اپنی سرزمین سے دہشت گردی نہ ہونے دیں ہم ان سے بات چیت کر نے کو تیار ہیں۔

تفصیلات کے مطابق وفاقی دارالحکومت اسلام آباد میں پریس کانفرنس کرتے ہوئےوزیر خارجہ اسحاق ڈار نے کا کہنا تھا کہ میری سب سے پہلی میٹنگ ماسکو میں تھی ،گزشتہ دس بارہ دنوں میں پاکستان کی سفارتی مصروفیات رہی، ماسکو، برسلز، بحرین کے دورے کیے، ماسکو اجلاس میں پاکستان کی معاشی ترجیحات کا موقف پیش کیا۔

انہوں نے کہا کہ ایس سی او کانفرنس میں وزیراعظم کی ہدایت پر پاکستان کی نمائندگی کی اور ملک کی جانب سے شعبہ توانائی اور باہمی روابط بارے گفتگو کی، ان کا کہنا تھا کہ سترہ اور اٹھارہ کو روس کا دورہ کیا، دنیا کی کوئی طاقت ہمیں شکست نہیں دے سکتی، روسی صدر پیوٹن کو پاکستان کےدورے کی دعوت دی، دورہ ماسکو میں انتہائی کامیاب ملاقاتیں ہوئیں۔

وزیر خارجہ نے مزیدکہا کہ ایس سی او ممالک کے ساتھ روابط کے مزید فروغ پر بھی غور ہوا، ماسکو میں سراہان حکومت کے اجلاس میں 11 فیصلے ہوئے، روسی صدر کے ساتھ خطے کی صورتِ حال اورغزہ میں امن کے حوالے سے بات چیت ہوئی۔

اُن کا کہنا تھا کہ اجلاس میں افغانستان سے جاکر کہا امن ہی واحد راستہ ہے، افغانستان کی ترقی، دہشت گردی کا مسئلہ، سندھ طاس معاہدہ اور مسئلہ کشمیر پر بات ہوئی، چاہتے ہیں افغانستان میں استحکام آئے، دہشتگردی ناقابل قبول ہے۔

پریس کانفرنس میں اُن کا کہنا تھا کہ خطے میں قیام امن کیلئے افغانستان میں امن ضروری ہے، ہم نے عوام قیادت کے ساتھ کیے تمام وعدے پورے کیے ، ہم افغان حکومت سے کے ساتھ اب بھی کھلے دِل سے بات کرنے کے لیے تیار ہیں۔

اسحاق ڈار نے کہا کہ ایس سی او اجلاس میں جی ایس پی پلس سمیت مختلف اُمور پر بات چیت ہوئی، حکومت پاکستان چاہتی ہے افغانستان کے لوگ ترقی کریں، یورپی حکام سے ملاقاتوں میں غلط فہمیوں کو دور کیا گیا، یورپی یونین کو بریف کیا کہ افغانستان میں امن چاہتے ہیں۔

انہوں نے مزید کہ افغانستان سے کہا کہ اپنی سرزمین سے دہشت گردی نہ ہونے دیں، یورپی یونین نے افغانستان کے متعلق پاکستان کے موقف کی تائید کی، افغان مہاجرین کو ہم باعزت طور پر واپس بھیجتے ہیں۔

نائب وزیراعظم نے مزید کہا کہ پاکستان نے افغان سرد جنگ کے دوران نیٹو کے ساتھ مل کر کام کیا، نیٹوہیڈ کوارٹرز میں نیٹو سیکرٹری جنرل سے ملاقات کی، یورپی یونین کے 8ممبرز سے بھی ملاقات ہوئی، پاکستان نے افغان سرد جنگ کے دوران نیٹو کے ساتھ مل کر کام کیا۔