پاکستان سہ ملکی سریز کا فاتح بن گیا،فائنل میں سری لنکا کو6 وکٹو ں سے شکست

راولپنڈی: پاکستان نے سری لنکا کو 6 وکٹوں سے شکست دے کر سہ ملکی سریز کا فائنل جیت لیا۔

سری لنکا کی جانب سے ملنے والا 115 رنز کا ہدف پاکستان نے باآسانی 4وکٹوں کے نقصان پر حاصل کرلیا۔

پاکستان کی جانب سے صاحبزاہ فرحان 23 ،صائم ایوب  36کپتان سلمان آغا 14 اور فخر زمان 4 رنز بنا کر آؤٹ ہوئے،جبکہ بابر اعظم 37 رنز پر ناقابل شکست رہے۔

سری لنکا کی جانب سےرتا نائیکے نے 2 ،جبکہ ہسرنگااورایشان ملنگا نے ایک ایک وکٹ حاصل کی۔

اس سے قبل فائنل میچ میں سری لنکن ٹیم پہلے کھیل کر 114 رنز بنا کر آؤٹ ہوئی،سری لنکا کی آخری 8 وکٹیں صرف 16 رنز پر گریں۔

سری لنکن ٹیم کی جانب سے مشرا نے47گیندوں پر 59رنز اسکور کیے جب کہ پاکستان کی جانب سے شاہین آفریدی اور محمد نواز نے 3، 3 وکٹیں حاصل کیں۔

قبل ازیں پاکستان نے ٹاس جیت کر فیلڈنگ کرنے کا فیصلہ کیا تھا جو کہ درست ثابت ہوا اور پاکستانی باؤلرز نے سری لنکا کو کم ہدف تک محدود کر دیا۔