سونا مسلسل دوسرے روز ہزاروں روپے مہنگا، نئی قیمت کیا ہو گئی؟

کراچی: عالمی و مقامی مارکیٹوں میں سونے کی قیمت میں مسلسل دوسرے روز اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روزسونے کے نرخ میں مزید 2700 روپے کا اضافہ ریکارڈ کیا گیا ہے جس کے بعد سونے کی نئی قیمت 4 لاکھ 46 ہزار 862 روپے پر ہو گئی ہے۔

ایسوسی ایشن کے مطابق اسی طرح 10 گرام سونا 2315 روپے مہنگا ہونے کے بعد 3 لاکھ 80 ہزار 83 ہزار 112 روپے کی سطح پر آ گیا ہے۔

دوسری جانب عالمی بلین مارکیٹ میں سونے کے نرخ میں 27 ڈالر کا اضافہ ہونے سے فی اونس قیمت 4245 ڈالر ہو گئی ہے۔

خیال رہے کہ گزشتہ ہفتے کے آخری کاروباری دن سونا 5300 روپے فی تولہ مہنگا ہوا تھا۔ دو دن میں سونے کی قیمت میں آٹھ ہزار روپے کا اضافہ ہوا ہے۔