پاکستان میں رواں سال کا تیسرا اور آخری سپر مون آج دیکھا جائے گا

ویب ڈیسک: پاکستان میں رواں سال کاتیسرا اور آخری سپر مون آج دیکھا جائے گا۔

پاکستان کے خلائی تحقیقاتی ادارے اسپارکو کے مطابق سال 2025 کا آخری سپرمون 4 بجکر 58 منٹ پر شروع ہو گا۔ جو کل صبح4 بجکر 15 منٹ پر اپنے عروج کو پہنچے گا،آج کا سپرمون 2025 کا آخری اور سال کا تیسرا سپرمون ہو گا۔

اسپارکو کے مطابق سپر مون شام کے وقت مشرق کی جانب طلوع ہو کر رات کو آسمان میں سب سے بلند دکھائی دے گا۔ دسمبر کے سپر مون کو “کولڈ مون” بھی کہا جاتا ہے۔ 

اس کا نام “کولڈ مون” اس لیے رکھا گیا ہے کہ یہ سال کے سرد اور اندھیری ترین موسم میں طلوع ہوتا ہے۔

ماہرین کے مطابق یہ سپر مون پہلے دیکھے گئے سپر مونز سے بڑا ہو گا۔ اور واضح رات کو آسمان میں آسانی سے دیکھا جا سکتا ہے، اگرچہ انسانی آنکھ سے اس کے حجم میں معمولی فرق محسوس کرنا مشکل ہو سکتا ہے۔

اسپارکو کے مطابق اس سپر مون کا حجم عام فل مون کے مقابلے میں تقریباً 7.9 فیصد بڑا اور 15 فیصد زیادہ روشن نظر آئے گا۔