5افغان فوجی نواں پاس کےمقام پرافغان حکام کےحوالے

پاک فوج کے شعبہ تعلقات عامہ (آئی ایس پی آر) کا کہنا ہے کہ 5افغان فوجی نواں پاس کےمقام پرافغان حکام کےحوالے کردیا گیا ہے،  افغان فوجیوں کو5بجکر45 پرافغان حکام کےحوالےکیاگیا۔

آئی ایس پی آر کا کہنا ہے کہ  افغان فوجیوں نےپاکستان سےچترال ارندوسیکٹرپرپناہ کیلئےدرخواست کی تھی،ضروری  ضابطہ کی کارروائی کےبعدافغان فوجیوں کوپاکستان میں داخل ہونےکی اجازت دےدی گئی تھی، تمام فوجیوں کوہتھیاروں اورآلات سمیت افغان حکام کےحوالےکردیاگیا۔

چند روز قبل  بھی  پاکستان نے پانچ افسران سمیت چھیالیس افغان فوجیوں  کو افغان حکام کے حوالے کیا تھا،  افغان فوجیوں  کو ان کے ہتھیاروں اور سازوسامان کے ساتھ  باجوڑ میں نوا پاس کے مقام پر افغانستان کے حوالے کیا گیا۔

خیال رہے کہ یکم جولائی کو بھی 35 افغان فوجیوں نے بارڈر پر پاک فوج سے پناہ طلب کی تھی۔ پاک فوج نے افغان نیشنل آرمی کے 46 سپاہیوں اور پانچ افسران کو ضروری فوجی پروسیجر کے بعد پاکستان میں پناہ اور محفوظ راستہ دیدیا تھا۔