ٹوکیو اولمپکس میں ایک اور پاکستانی ایتھلیٹ کی مایوس کن کارکردگی

تفصیلات کے مطابق ٹوکیو اولمپکس میں ایک اور پاکستانی اتھلیٹ کی مایوس کن کارکردگی  سوئمر بسمہ خان ٹوکیو اولمپکس سے باہر ہوگئیں ۔  ویمنز کی 50میٹر فری اسٹائل میں پاکستان کی بسمہ خان نےحصہ لیا، 50میٹر فری اسٹائل ایونٹ میں ان کی ٹائمنگ 27اعشاریہ 78 سیکنڈ رہی۔ بسمہ خان 50 میٹر فری سٹائل سوئمنگ پانچویں ہیٹ میں 8 میں سے ساتویں پوزیشن پر آئیں، اس ایونٹ میں 81 سوئمر نے شرکت کی جس میں  بسمہ خان 56ویں نمبر پر آئیں ۔  

بسمہ خان کی ناکامی کے بعد ٹوکیو اولمپکس سے پاکستانی ایتھلیٹس کے باہر ہونے کی تعداد چھ ہوگئی۔اولمپکس مقابلوں میں اب پاکستان کے تین ایتھلیٹس باقی بچے ہیں جو آنے والے دنوں میں ایکشن میں نظرآئیں گے ، یکم اگست کو پاکستان کے دو شوٹر خلیل اختر اور غلام بشیر 25میٹر ریپڈ فائیر میں حصہ لیں گے۔4 اگست کو پاکستان کے میڈل کی آخری امید ارشد ندیم جیولن تھرو میں ایکشن میں نظر آئیں گے ۔ارشد ندیم پاکستانی دستے کے واحد ایتھلیٹس ہیں جو ٹوکیو اولمپکس  میں کامیابی حاصل کر پائے ہیں ۔