سونے کی قیمتوں کو ریورس گئیر لگ گیا، فی تولہ ہزاروں روپے سستا

کراچی: عالمی ومقامی مارکیٹوں میں سونے کی قیمتوں کو ریورس گئیر لگ گیا جس کے باعث فی تولہ قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق فی تولہ سونے کی قیمت میں 8 ہزار 900 روپے کی کمی ہوئی ، جس کے بعد فی تولہ سونا 4 لاکھ 85 ہزار 62 روپے کی سطح پر آ گیا ہے۔

ایسوسی ایشن کے مطابق اسی طرح 10 گرام سونا 7 ہزار 630 روپے سستا ہو گیا، جس کے بعد نئی قیمت 4 لاکھ 15 ہزار 862 روپے ہو گئی۔

دوسری جانب عالمی بلین مارکیٹ میں سونے کا بھاؤ 89 ڈالر گھٹ کر 4627 ڈالر فی اونس ہو گیا۔

معاشی ماہرین کے مطابق عالمی مارکیٹ میں سونے کی قیمتوں میں اتار چڑھاؤ اور روپے کی قدر میں تبدیلی مقامی قیمتوں پر اثر انداز ہو رہی ہے، جس کے باعث حالیہ کمی دیکھنے میں آئی ہے۔