28 فروری کے مقابلے میں ہمارے میزائلوں اور لانچرز کے ذخیرے میں 120 فیصد اضافہ ہوا ہے، عباس عراقچی

تہران: ایران کے وزیر خارجہ عباس عراقچی نے کہا ہے کہ ہماری میزائلوں اور لانچرز کا ذخیرہ 28 فروری کے مقابلے میں 120 فیصد ہیں اور ان کی پیداواری صلاحیت میں مسلسل اضافہ ہو رہا ہے۔

 تفصیلات کے مطابق سوشل میڈیا  پلیٹ فارم ایکس پر جاری اپنے بیان میں عباس عراقچی کا کہنا تھا کہ جب بھی سفارتی حل میز پر آتا ہے امریکا غیر ذمہ دارانہ فوجی مہم جوئی کا راستہ اختیار کرتا ہے۔

ایکس پر جاری بیان میں عباس عراقچی نے کہا کہ یہ دباؤ ڈالنے کی کوشش ہے یا پھر کسی کا ٹرمپ کو نئی دلدل میں دھکیلنے کا نتیجہ؟ وجوہات کچھ بھی ہوں، نتیجہ ایک ہی ہے، ایرانی قوم دباؤ کے آگے نہیں جھکتی۔

بیان میں ایرانی وزیر خارجہ کامزید کہنا تھا کہ متحدہ عرب امارات نے ایران سے داغے گئے دو بیلسٹک میزائلوں اور تین ڈرونز کو فضا میں تباہ کرنے کا دعوی کیا ہے  جب کہ وزارت دفاع نے سوشل میڈیا پوسٹ میں کہا کہا کہ حملے میں تین افراد معمولی زخمی ہوئے۔

انہوں نے مزید کہا کہ سی آئی اے غلط ہے، ہماری میزائلوں اور لانچرز کا ذخیرہ 28 فروری کے مقابلے 75 فیصد نہیں، ہماری میزائلوں اور لانچرز کا ذخیرہ 28 فروری کے مقابلے میں 120 فیصد ہیں، اپنے لوگوں کے دفاع کے لیے ہماری تیاری ایک ہزار فیصد ہے۔

خیال رہے کہ اس سے قبل امریکی اخبار واشنگٹن پوسٹ کی جانب سے دعویٰ کیا گیا تھا کہ حالیہ جنگ کے دوران شدید امریکی بمباری کے باوجودبھی ایران کا 70 سے 80 فیصد میزائلوں کا ذخیرہ محفوظ ہے۔

واشنگٹن پوسٹ نے امریکی صدر ڈونلڈ ٹرمپ کے دعوؤں کی تردید کی تھی جس میں انہوں نے کہا کہ تھا امریکی بمباری سے ایران کے آدھے سے زائد میزائل اور لانچرز تباہ ہو چکے ہیں۔