تھانہ ہنجروال کی حدود سے 4 بچیاں مبینہ طور پر اغوا

تفصیلات کے مطابق  لاہور کے علاقہ ہنجروال  کی حدود سے  4 بچیوں کو مبینہ طور پر اغوا کر لیا گیا ہے ۔ پولیس نے والد کی مدعیت میں مقدمہ درج کر لیا ہے۔10 سالہ انعم اور 11 سالہ کنیزہ ہمسائے کی 2 بچیوں کے ساتھ گھر سے نکلیں تھیں۔

مقدمے میں کہا گیا ہے کہ  چاروں بچیاں اورنج ٹرین پر سفر کرنے کی غرض سے گھر سے نکلیں، شبہ ہے کسی نامعلوم شخص نے چاروں بچیوں کو اغوا کر لیا۔پولیس نے مقدمہ درج کر کے مزید کارروائی شروع کر دی ہے۔

سی سی پی او لاہور نے  ایس پی انوسٹی گیشن عیسیٰ خان سکھیرا کو تحقیقات کیلئے خصوصی ٹیم تشکیل دینے کی ہدایت کردی ہے۔سی سی پی او لاہور کہنا ہے کہ  بچیوں کی تلاش کے لیے تمام وسائل بروئے کار لائے جائیں گے۔