پاکستان اور قطر کی سفارتی کوششوں سے لبنان جنگ کے خاتمے کی جانب اہم پیش رفت ہوئی ہے، عباس عراقچی

تہران: ایران کے وزیر خارجہ سید عباس عراقچی نے کہا ہے کہ پاکستان اور قطر کی انتھک سفارتی کوششوں سے لبنان کی جنگ کے خاتمے کے سلسلے میں نمایاں پیش رفت ہوئی ہے۔

تفصیلات کے مطابق سماجی رابطے کی ویب سائٹ ایکس پر بیان میں عباس عراقچی نے کہا کہ تیل اور پیٹروکیمیکل برآمدات پر پابندیاں ختم جبکہ ناکہ بندی اٹھا لی گئی ہے۔

ایرانی وزیر خارجہ نے کہا کہ منجمد اثاثوں کا کچھ حصہ جاری کر دیا گیا ہے۔ ایران کے لیے بڑے تعمیرِ نو اور ترقیاتی منصوبے کا آغاز کیا گیا ہے۔

خیال رہے کہ پاکستان اور قطر کی ثالثی میں ایران امریکہ مذاکرات کا پہلا روز سوئٹرز لینڈ میں کامیابی سے مکمل ہو گیا ہے جبکہ دوسرے مرحلے کے لیے اعلی سطحی تکنیکی ٹیموں کے درمیان مذاکرات جاری رہیں گے۔