مریم نواز کے ویژن کے تحت عظمیٰ بخاری فنکاروں کی بہتری اور کلچر کو فروغ کیلئے دن رات کوشاں ہیں،شازیہ رضوان

لاہور:پارلیمانی سیکرٹری کلچر اینڈ انفارمیشن پنجاب  شازیہ رضوان  نے کہا ہے کہ کہ وزیر اعلیٰ پنجاب مریم نواز شریف کے ویژن کے مطابق وزیر اطلاعات و نشریات عظمیٰ بخاری اور ہم سب فنکاروں کی بہتری اور کلچر کو فروغ دینے کے لیے دن رات کوشاں ہیں ۔

میڈیا سے گفتگو کرتے ہوئے انہوں نے مزید کہا کہ اس بار بجٹ میں فلم انڈسٹری کے فروغ کے لیے فلم سٹی پراجیکٹ کے لیے خطیر رقم رکھی گئی ہے اور فنکاروں کے امدادی فنڈز میں بھی سو فیصد اضافہ کر دیا گیا ہے جو اس بات کی عکاسی کرتا ہے کہ مسلم لیگ ن کی حکومت فنکاروں اور فلم انڈسٹری کی بہتری کے لیے کس قدر کوشاں ہے۔

ان کا کہنا تھا کہ پاکستان کی تاریخ میں پہلی بار فلم سپورٹ فنڈز کا اجراء کوئی معمولی بات نہیں آنے والے وقت میں انشاء اللہ ہماری فلم انڈسٹری کا ایک نیا دور شروع ہوگا۔

بعد ازاں ارلیمانی سیکرٹری کلچر اینڈ انفارمیشن پنجاب  شازیہ رضوان کے اعزاز میں عشائیے کا بھی اہتمام کیا گیا جس میں صحافی برادری نے  بھی شرکت کی ۔