پاکستانی قیادت کی امن کوششوں سے عالمی جنگ بندی ممکن ہوئی، طاہر اشرفی

قومی پیغام امن کمیٹی مولانا طاہر اشرفی نے کہا ہے کہ فیلڈ مارشل سید عاصم منیر اور وزیراعظم شہباز شریف نے ناصرف عالمی جنگ بندی کروائی بلکہ امت کو بھی متحد کیا۔

قومی پیغام امن کمیٹی کے اجلاس میں ملک بھر کے علماء و مشائخ نے محرم الحرام کے دوران امن و امان، بین المسالک ہم آہنگی اور پیغامِ پاکستان ضابطہ اخلاق پر مکمل عملدرآمد کے عزم کا اظہار کیا۔

اجلاس میں عوام، خطباء، ذاکرین اور مذہبی رہنماؤں سے اتحاد، رواداری اور سیدنا امام حسینؓ کے پیغامِ حق و امن کو فروغ دینے کی اپیل کی گئی۔

اس موقع پر علماء کرام نے حکومتِ پاکستان کی علاقائی اور عالمی امن کیلئے سفارتی کوششوں کو بھی سراہا اور امت مسلمہ کے اتحاد و استحکام کے لیے نیک تمناؤں کا اظہار کیا۔