"را"اور این ڈی ایس نے داسو حملہ کرایا ،شاہ محمود قریشی

وزیرخارجہ شاہ محمو دقریشی   نے پریس کانفرنس کرتے ہوئے کہا کہ  چین کے وفد کو جائے حادثہ  پر بھی لے جایا گیا،  واقعہ کی مکمل تحقیقات کی گئیں جن کے نتائج آج سامنے رکھ رہے ہیں، داسو واقعہ میں بارود سے بھری گاڑی استعمال  کی گئی، حملہ میں استعمال ہونے والی  گاڑی اسمگل کرکے پاکستان لائی گئی ، وقوعہ سے خود کش حملہ آور   کا انگوٹھا ، انگلی اور جسم کے بعض  دوسرے اعضا ملے ،تحقیقات کیلئے36سی سی ٹی وی کیمروں ،1400 کلومیٹر سڑک کا مشاہدہ کیا گیا۔

شاہ محمود قریشی نے کہا کہ  داسو کے افسوس ناک واقعہ  سے چین کے حکام کو مکمل  طور پر  آگاہ رکھا گیا، داسوپراجیکٹ پرکام کرنےوالےتمام افرادسےتفتیش کی گئی،چینی ٹیم کےساتھ تمام معلومات شیئرکیں۔انہوں نے کہا کہ  واقعہ میں ملوث"ہینڈلرز" کی تہہ تک پہنچ چکے ہیں، داسو واقعہ  میں این ڈی ایس اور را کا گٹھ جوڑ دکھائی دے رہا ہے، داسو حملے   کےلئے افغان سرزمین   استعمال کی گئی، "را"اور این ڈی ایس نے  داسو حملہ کرایا، داسوحملے کی  منصوبہ  بندی  افغانستان  میں ہوئی ۔

وزیر خارجہ کا کہنا تھا کہ  سی پیک کےتمام پراجیکٹس جاری رہیں گےاوربروقت مکمل کیےجائیں گے،ایسےواقعات ہمارےحوصلوں کوپست نہیں کرسکتے،آزمائش کی اس گھڑی میں پاک چین دوطرفہ تعلقات مزیدمضبوط ہوں گے۔

ڈی آئی جی سی ٹی ڈی خیبرپختونخواجاویداقبال کا کہنا تھا کہ  وقوعہ سےہمیں مختلف شواہدملے،14جولائی کو7بجکر10منٹ پرداسوواقعہ پیش آیا،یہ ایک مکمل  بلائنڈکیس ہے  ،پورےعلاقےکی جیوفنسنگ کی گئی ،مبینہ خودکش حملہ آورکےاعضابھی ہمیں جائےوقوعہ سےملے،تحقیقات میں داسوواقعہ میں استعمال  ہونےوالی گاڑی کی شناخت ہوئی۔

جاوید اقبال نے کہا کہ سہولت کاروں کو ہم نے گرفتار کرلیا ہے، خودکش حملہ آور کا نام خالد عرف شیخ تھا جو پاکستانی  شہری نہیں  تھا، ہنڈلرایازاورحسین تک ہم پہنچے،حملے  میں استعمال  ہونیوالی گاڑی افغانستان  سے اسمگل کرکے سوات لا گئی۔