ایپل کی جانب سے فلپ اسٹائل فولڈ ایبل آئی فون جلد متعارف کرائے جانے کا امکان

ویب ڈیسک: آئی فون بنا نے والی مشہور ِ زمانہ کمپنی ایپل کی جانب سےپہلے فولڈ ایبل آئی فون متعارف کروائے جانےکا امکان ہے۔

رپورٹس کے مطابق ایپل کی جانب سے یہ فولڈ ایبل آئی فون رواں سال ستمبر میں متعارف کرائے جانے کا امکان ہے،مگر اب ایک رپورٹ میں بتایا گیا کہ ایپل کی جانب سے فلپ اسٹائل آئی فون کی تیاری پر بھی کام کیا جارہا ہے۔

بلومبرگ کی ایک رپورٹ کے مطابق ایپل کی جانب سے فلپ فولڈ ایبل آئی فون کے آپشنز پر کام کیا جا رہا ہے۔

تاہم رپورٹ میں یہ نہیں بتایا گیا کہ آئی فون فلپ کو کب تک متعارف کرایا جاسکتا ہے اور یہ بھی واضح نہیں کہ وہ واقعی کبھی صارفین کے ہاتھوں تک پہنچ بھی سکے گا یا نہیں۔

رپورٹس کے مطابق ایپل کی جانب سے پہلے بک اسٹائل فولڈ ایبل آئی فون کو متعارف کراکے صارفین کے ردعمل کو جانچا جائے گا، پھر اس کے مطابق فلپ ماڈل کو متعارف کرانے کا فیصلہ کیا جائے گا۔

خیال رہے کہ فلپ اسٹائل فولڈنگ آئی فون کی تیاری کی افواہیں کافی عرصے سے سامنے آرہی ہیں اور سابقہ رپورٹس میں بتایا گیا تھا کہ ایپل کے پاس ایسے کم از کم 2 پروٹو ٹائپ ورژنز موجود ہیں۔

پہلے تو یہ بھی کہا جا رہا تھا کہ بل اسٹائل سے پہلے ایپل کی جانب سے فلپ اسٹائل فولڈ ایبل آئی فون پیش کیا جائے گا، مگر بعد میں اس منصوبے کو ترک کر دیا گیا۔