مینار پاکستان واقعے کی متاثرہ خاتون کی میڈیکل رپورٹ مکمل

جی این این کے مطابق  مینار پاکستان میں 400 ملزموں کے ہاتھوں دست دراز ی اور تشدد کا نشانہ بننے والی لڑکی  عائشہ  کا میڈیکل کروا لیا گیا۔ذرائع ہسپتال انتظامیہ کے مطابق  متاثرہ  خاتون کے جسم کے مختلف حصوں پر درجنوں نشانات ہیں،  رپورٹ میں خاتون  کے پورے جسم پر درجنوں سکریچز اور نیلگوں کے واضح  نشانات   موجود ہیں  ۔

 میڈیکل رپورٹ کے مطابق خاتون کی گردن اور دائیں ہاتھ پر سوجن جبکہ  سینے کے دائیں طرف 3 سکریچز ہیں ، بائیں بازو پر کہنی کے اوپر 3 سکریچز ہیں۔ دونوں کانوں پر بھی سوجن پائی گئی ، گردن پر نوچنے کے نشانات ہیں ، دونوں ہاتھوں کی تین انگلیوں کی ہڈی پر بھی سوجن ہے اور بائیں بازو پر تین نشان ہیں  ۔ کمر اور دونوں پاؤں پر بھی سکریچز ہیں،   متاثرہ حصوں پر سوزش اور  13 نشانات واضح ہیں ۔ لاہور پولیس کے مطابق عائشہ اکرم کا میڈیکل یکی گیٹ کے علاقے میں واقع نواز شریف اسپتال میں کیا گیا۔

دوسری جانب پولیس نے حراست میں لیے گئے 15  افراد کو تفتیش کے لیے سی آئی اے کے حوالے کر دیا گیا ۔ حراست میں لیے گئے افراد سے پولیس کی پوچھ گچھ جاری   ہے ،  تمام افراد کو مینار پاکستان سے ملحقہ علاقوں سے حراست میں لیا گیا ۔ کیس کے حوالے سے نادرہ کی رپورٹ آج  پولیس کو موصول ہو جائے گئی ۔رپورٹ کے بعد حراست میں لئے ملزمان کو متاثرہ لڑکی عائشہ اکرم  سے شناخت بھی کرایا جائے گا ۔

واضح رہے کہ لاہور میں مینارِ پاکستان کے گریٹر اقبال پارک میں خاتون ٹک ٹاکر عائشہ اکرم کو ہراسگی اور بدتمیزی کا نشانہ بنانے کا واقعہ 14 اگست کے روز پیش آیا تھا۔یومِ آزادی کے موقع پر خاتون ٹک ٹاکر عائشہ اکرم سے ہوئی دست درازی کا خوفناک واقعہ 3 روز بعد سوشل میڈیا کے ذریعے سامنے آیا۔سینکڑوں نوجوانوں نے ٹک ٹاکر عائشہ اکرم اور اس کے ساتھیوں کو تشدد کا نشانہ بنایا اور کپڑے پھاڑ دیئے ۔