وزیراعظم کا بہادر پولیس اہلکار جمیل کلہوڑو کیلئے قومی اعزازکا اعلان

تفصیلات کے مطابق  وزیراعظم عمران خان نے کانسٹیبل   جمیل کلہوڑو   کیلئے اعزازکا اعلان   کیا ہے۔انہوں نے کہا  اس  بہادر اہلکار  کو23 مارچ کواعزاز سے نوازا جائے گا۔یہ وہ مقام ہے جہاں فرض تقدیس سے ہمکنار ہوتا ہے۔ عوام الناس کی خدمت کے حوالے سے اس نوجوان سپاہی کے ہاں دکھائی دینے والا عزم قابلِ تحسین ہے۔

ہم نے فرض شناسی کے کمال مظاہرے پر کانسٹیبل جمال کلہوڑو کو 23 مارچ کے یومِ پاکستان کے موقع پر اعزاز سے نوازنے کا فیصلہ کیا ہے۔ ”جس نے ایک انسان کی جان بچائی گویا اس نے پوری انسانیت کی جان بچائی“ —-
المائدہ [5:32]

— Imran Khan (@ImranKhanPTI) August 20, 2021

 وزیراعظم نے اپنےٹویٹ میں قرآن کی آیت بھی شئیر کی۔جس  نے ایک شخص کی جان بچائی گویا اس نے انسانیت کو بچایا۔

کانسٹیبل جمیل کلہوڑو نے جی این این سے گفتگومیں کہاکہ وہ وزیراعظم اوراپنے افسران سے ملنے والی عزت پربےحدخوش ہیں۔لوگوں کی خدمت کرتارہے گا۔

پولیس اہلکار جمیل کلہوڑوکا تعلق خیرپور کے گاؤں  گلوسیال  سے   ہے۔عوام بھی  فرض شناس  اہلکار   کی   بہادری کوخوب سراہا رہے ہیں۔