تحریک انصاف کی حکومت نے چائلڈ پروٹیکشن بیورو کو ایک فعال ادارہ بنایا ہے: عثمان بزدار

تفصیلات کے مطابق عثمان بزدار نے کہا کہ بچوں کے حقوق کے تحفظ کے لئے پرعزم ہیں، سابق دور میں کئی برس تک چائلڈ پروٹیکشن بیورو کے بورڈ کا اجلاس نہیں ہوا، چائلڈ پروٹیکشن بیورو کا دائرہ کار پنجاب کے ہر ضلع تک بڑھایا جائے گا، بے سہارا بچوں کے حقوق کے تحفظ کیلئے تمام ضروری وسائل فراہم کررہے ہیں۔

وزیر اعلیٰ عثمان بزدار نے بچوں سے بھیک منگوانے والے گینگز کے خلاف بلاامتیاز کارروائی جاری رکھنے کی ہدایت دی۔

انہوں نے کہا کہ چائلڈ پروٹیکشن اینڈ ویلفیئر بیورو میں رہنے والے بچے ہمارے بچے ہیں۔

عثمان بزدار نے کہا کہ فیصل آباد کے وزٹ پر چائلڈ پروٹیکشن اینڈ ویلفیئر بیوروکا افتتاح کروں گا۔

وزیراعلیٰ عثمان بزدار نے چائلڈ پروٹیکشن اینڈ ویلفیئر بیورو کی کارکردگی کو سراہا۔

دوسری جانب سارہ احمد نے وزیر اعلیٰ عثمان بزدار کوچائلڈ پروٹیکشن اینڈ ویلفیئربیورو کی جانب سے بچوں سے بھیک منگوانے اور تشدد کی روک تھام کیلئے کیے گئے اقدامات کے بارے میں بریفنگ دی۔

اس کے علاوہ سارہ احمد نے وزیر اعلیٰ عثمان بزدار کو چائلڈ پروٹیکشن بیورو فیصل آباد کے افتتاح کی دعوت دی۔