سندھ حکومت کا 700 اسکولز کی اپ گریڈیشن کا فیصلہ

جی این این کے مطابق ہر ضلع میں میں پرائمری اسکولز کو اپ گریڈ کرکےمڈل، سیکنڈری، ایلیمنٹری اسکولز تک اپ گریڈ کیاجائے گا جبکہ اسکولز اپ گریڈیشن کے لئےسہ جہتی حکمت عملی تیار کرلی گئی ۔ سندھ حکومت کی جانب سے ایک لاکھ سےزائد پرائمری طلبہ کو سیکنڈری تک تعلیم فراہم کرنےکا ہدف ہے۔

جن پرائمری اسکولز کی عمارت میں اضافی کلاس رومز ہونگے ان کواپ گریڈ کیاجائےگا۔ اپ گریڈیشن کےبعد ان اسکولز میں سائنس لیب ، لائبریری بھی بنائی جائیں گی ۔ اسکولز اپ گریڈیشن  پالیسی منظوری کےلئے 7ستمبر کو سندھ کابینہ میں پیش کی جائےگی ۔ اسکولز کلسٹرز پالیسی کےلئے سفارشات بھی تیارکر لی گئی ہیں جن کے تحت   یونین کونسلز کےاسکولوں کا ایک انتظامی سربراہ مقرر کیاجائےگا۔