لاہور میں مکان کی چھت گر گئی، 3 لڑکیاں‌ جانبحق

تفصیلات کے مطابق لاہور کے علاقے باٹا پور میں بوسیدہ مکان کی چھت گر گئی جس کے نتیجے میں 3 کمسن بچیاں جانبحق ہوگئیں،جانبحق ہونے والی بچیوں میں 6 سالہ سیرت، 2 سالہ اریحا اور 2 سالہ ابیحہ شامل ہیں۔

چھت گرنے سے 55 سالہ صفیہ بی بی شدید زخمی ہوگئیں جنہیں طبی امداد کے لیے اسپتال منتقل کردیا گیاہےجبکہ  ملبے تلے دبے ایک زخمی شخص کو نکال کر اسپتال منتقل کردیا گیا ہے جس کی حالت تشویش ناک بتائی جارہی ہے۔

ذرائع کا کہنا ہے کہ مکان بوسیدہ تھا جس کی بنیادیں بارش کی وجہ سے کچی پڑ گئی تھیں، مکان کے اندر ایک ہی خاندان کے 5 افراد رہائش پذیر تھے۔