مختلف وزارتوں میں تصویریں اور ویڈیوز بنانا قابل اعتراض عمل ہے ، ملا یعقوب

کابل : ملا عمر کے بیٹے اور طالبان حکومت کے عبوری وزیردفاع ملایعقوب نے طالبان جنگجوؤں کے مختلف وزارتوں میں تصویریں لینے اور ویڈیوبنانے پر اعتراض کردیا ہے ۔ 

ملا یعقوب کا کہنا تھاکہ یہ قابل اعتراض فعل ہے کیونکہ لوگ اپنا موبائل فون نکال کر اہم اور حساس وزارتوں میں بغیر کسی وجہ کے تصاویر لے رہے ہیں ۔ 

یوں گھومنا اور ویڈیوز بنانا دینا اور آخرت میں مددگار ثابت نہیں ہوگا۔ واضح رہے کہ ملایعقوب کی آڈیو منظر عام پر آئی ہے  ، مقامی میڈیا کی رپورٹ کے مطابق کابل کے کچھ شہریوں نے سڑک پر چلتے پھرتے جنگجوؤں کے ہاتھوں ناروا سلوک کی شکایت کی تھی ،

تاہم ملایعقوب کے آڈیو پیغام میں یہ واضح نہیں کیا گیا کہ وہ کن واقعات پر طالبان کے جنگجوؤں سے بات کررہے تھے ۔