مریم صفدر کو جواب دینا ہو گا کہ ملک کے خلاف ہر سازش میں کھرا ان کی طرف کیوں جاتا ہے:شہباز گل

تفصیلات کے مطابق شہباز گل کا کہنا ہے کہ ڈاکٹر یاسمین راشد نے پولیس کے ساتھ کام کر کے بہت جلد اس کیس کو پکڑا ہے جتنا کینسر یہ کرپشن کا پھیلا کر گئی ہیں اس کو جتنا ہو سکے ختم کریں گے۔

انہوں نے کہا ہے کہ ان کا پہلا بیان پاکستان کے وقار پر حملہ تھا،اس کے بعد انڈین میڈیا کا انداز دیکھ لیں،پہلے پلاننگ کے تحت لوگ بھرتی کرائے ہوئے ہیں ،ہم کس کس کو نکالیں ہر ادارے میں ان کے لوگ بھرتی ہیں ،پی ائی ڈی میں انہوں نے میٹرک پاس لوگ افسر لگائے ہوئے ہیں۔

وزیر اعظم کے معاون خصوصی کا کہنا ہے کہ سستا بازار نامی کمپنی کا مال کس طرح استعمال ہوا،اس کے وسائل کس طرح ان کے الیکشن لڑتے رہے ثبوت کے طور پر ان کی واٹس ایپ چیٹ دوں گا،شہباز شریف نے ایک بار پھر کہہ دیا ہے جو پیسے میرے ملازمین کے اکاؤنٹ میں آئے ان کا میرے والد کو علم ہے مجھے نہیں۔ 

ان کا کہنا تھا کہ اب یہ توشہ خانہ کے تحائف کی تفصیلات مانگ رہے ہیں یہ پہلے تو کوئی چیز وہاں پہنچاتے نہیں تھےاگر بھیجتے تھے تو دو تین فیصد دے کر چیزیں گھر لے جاتے تھے اب جو کو کوئی چیز ملے وہ توشہ خانہ میں جاتی ہے ،اور کم از کم پچاس فیصد ادائیگی کے بعد ملتی ہے۔

انہوں نے کہا ہے کہ عمران خان ملک و قوم کے ایک ایک پیسے کا محافظ ہے عمران خان نے کوئی کیمپ آفس نہیں بنایا،اپنے گھر کا خرچہ خود چلاتے ہیں ہم کرپشن کا پورہ سسٹم پکڑیں گے۔ 

شہباز گل کا کہنا ہے کہ ڈان لیک پر مریم نواز کو این ار او نہیں ملنا چاہیے تھا،اگر وہ اندر ہوتی تو آج ایسا نہ ہوتا، پہلے یہ اندراج کرایا گیا پھر خبر چلائی گئی اپنے لوگوں سے کراوا کر خود ہی خبر پھیلائی۔

انہوں نے کہا ہے کہ کیا چئیر مین نیب کو ہم نے لگایا تھا یہ ن لیگ اور پیپلز پارٹی  کے لگائے ہوئے ہیں ،فرض کریں اگر اب جاوید اقبال کو ایکسٹینشن ملتی ہے تو ان کو اعتراض کا حل نہیں ۔ 

ان کا مزید کہنا تھا کہ کورونا نے جب پاکستان کو ہٹ کیا تھا پوری دنیا کو علم نہیں تھا کہ اس کا کیا علاج ہے ،سب لوگ سہمے اور ڈرے ہوئے تھے ہر کسی نے اپنے حساب سے اس سے نمٹنے کی کوشش کی لیکن  پاکستان میں ایک شخص کھڑا تھا کہ میں نے غریب کو بچانا ہے وہ صرف عمران خان تھا۔