تھر میں آسمانی بجلی گرنے سے 5 افراد ہلاک

ذرائع کے مطابق صحرائے تھر کے مختلف علاقوں میں بجلی گرنے کے واقعات پیش آئے، اسلام کوٹ میں آسمانی بجلی گرنے کا ایک واقعہ پیش آیا جس میں 14 سالہ مروان اور ایک بچی مرلین ہلاک ہو گئیں جبکہ آسمانی بجلی گرنے کی وجہ سے کئی جانور بھی ہلاک ہوئے ہیں۔

 تھر کے علاقے مٹھی کے نواحی گاؤں سوبھارو شاہ میں بارش کے دوران تالاب سے پانی بھرنے والی خواتین پرآسمانی بجلی گری جس کے نتیجے میں 25 سالہ لالی بھیل اور 16 سالہ لڑکی گڈی بھیل موقع پر ہی جاں بحق جبکہ 2 خواتین زخمی ہو گئیں۔

دوسری جانب چھاچھرو کے نواحی گاؤں پاڈیرال میں آسمانی بجلی گرنے سے 17 سالہ نوجوان خاتون کملی بھیل جاں بحق ہو گئیں ہیں۔