اسٹیٹ بینک آف انڈیا پاکستان کا مقروض ہونے کا انکشاف

تفصیلات کے مطابق  اسٹیٹ بینک آف انڈیا کااسٹیٹ بینک آف پاکستان کے مقروض ہونے کا انکشاف ہوا ہے، ممبر قومی اسمبلی رانا تنویر حسین کی زیر صدارت پبلک اکاؤنٹس کمیٹی کا اجلاس ہوا، قیام پاکستان کے وقت پاکستان چھوڑ کر جانے والے ہندوؤں اور سکھوں کی پراپرٹی کی مالیت کا جائزہ لیا گیا۔

آڈٹ حکام کے مطابق  1947 سے مرکزی بینک آف انڈیا نے پاکستان کو یہ رقم ادا نہیں کی گئی۔ ڈپٹی گورنر سٹیٹ بینک کا کہنا ہے کہ  1947 سے اس رقم کا تنازع چل رہا ہے جو حل نہیں ہوا۔

چیئر مین پی اے سی  نے کہا کہ اسٹیٹ بنک کا اپنا یہ حال ہے تو ریگولیٹر کی ذمہ داری کون ادا کرے گا، سٹیٹ بنک حکام کیا کر رہے؟ حکومتی سطح پر اقدامات کیوں نہیں ہوئے؟۔

ڈپٹی گورنر اسٹیٹ بنک کا کہنا تھا کہ  یہ رقم کم تھی جو بڑھ کر 456 ملین روپے تک پہنچ چکی ہے۔