ڈی جی نیب ظاہر شاہ کو ڈپٹی چئیرمین نیب تعینات کردیا گیا، ذرائع

ذرائع کے مطابق ڈی جی نیب ظاہر شاہ کو ڈپٹی چئیرمین نیب تعینات کردیا گیا ہے ، صدرمملکت ڈاکٹر عارف علوی  نے ظاہر شاہ کی ڈپٹی چئیرمین تعیناتی کی حتمی منظوری دے دی ہے۔نیب نے ظاہر شاہ کی بطور ڈپٹی چئیرمین تعیناتی کے لیے سمری وزرات قانون کو بھجوائی تھی۔

ذرائع کا کہنا ہے کہ  وزارت قانون و انصاف کل ظاہر شاہ کی بطور ڈپٹی چئیرمین نیب تعیناتی کا نوٹیفکیشن جاری کریگی، ظاہرشاہ بطور ڈی جی آپریشن نیب ہیڈ کوارٹر میں تعینات تھے،  ڈپٹی چئیرمین کی سیٹ 4 اکتوبر کو حسین اصغر کے استعفی کے باعث خالی ہوئی تھی۔

چند روز قبل  ڈپٹی چیئرمین نیب حسین  اصغر اپنے عہدے سے مستعفی  ہوگئے تھے ،حسین اصغر نے اپنا استعفی حکومت کو ارسال کردیا تھا۔