ملک میں کورونا سے اموات اور کیسز کے پھیلاؤ میں  کمی کا رجحان 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کی شدت میں کمی آئی ہے ، گزشتہ چوبیس گھنٹے  میں  کورونا کے955نئے کیسز سامنے  آئے  اور 29اموات کی تصدیق ہوئی۔

ملک میں کورونا سے اموات  کی تعداد 28 ہزار 087 ہو گئی اور مجموعی کیسز 12 لاکھ 57 ہزار 188 تک جا پہنچے ہیں ۔  این سی اوسی کے مطابق ملک میں کورونا کے فعال کیسز کی تعداد43ہزار 352 ہوگئی  ۔ 

Statistics 9 Oct 21:
Total Tests in Last 24 Hours: 44,557
Positive Cases: 955
Positivity %: 2.14%
Deaths : 29
Patients on Critical Care: 2644

— NCOC (@OfficialNcoc) October 9, 2021

اس کے علاوہ 24 گھنٹوں کے دوران ملک بھر میں 1222 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 11 لاکھ 85 ہزار 749ہو گئی ہے ۔ 

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔