امریکا کورونا ویکسین فائزر کی 2.4 ملین خوراکیں پاکستان بھیجے گا 

خبر ایجنسی کے مطابق وائٹ ہاؤس حکام کا کہنا  ہے کہ فائزر کوویڈ ویکسین کی نئی شپمنٹ کوویکس پروگرام کے تحت پاکستان پہنچے گی،  جس کے بعد پاکستان کو بھیجی جانے والی کورونا ویکسین کی خوراکوں کی کل تعداد تقریبا 18 اعشاریہ 33 ملین تک پہنچ جائے گی جو کہ کسی بھی دوسرے ملک  کو دی گئی ویکسین سے زیادہ ہے۔

 ویکسین کی تازہ کھیپ ہفتےکےروزپاکستان پہنچ جائےگی جن میں فائزراورجرمنی کی ویکسین شامل ہیں۔حکام کے مطابق امریکاکی جانب سےماڈرنا اور فائزر کی ترسیل جون سے ہر ماہ پاکستان  بھیجی گئی جو کہ  امریکی ویکسین ڈپلومیسی کی  کوششوں  کا حصہ ہے ۔ 

واضح رہے کہ خبر ایجنسی   کے مطابق پاکستان میں اب تک کورونا ویکسین کی 93 اعشاریہ 6 ملین خوراکیں لگائی جاچکی ہیں۔