بچے کی شرارت نے فلیٹ جلاکر راکھ کردیا

لندن : رہائشی عمارت میں تیرہ سالہ بچے کی شرارت سے فلیٹ جل کر راکھ بن گیا ۔ 

برطانوی نشریاتی ادارے کی رپورٹ کے مطابق گزشتہ روز ساؤتھ لندن کے ٹاور بلاک میں 20 ویں فلور پر قائم ایک فلیٹ میں آگ بھڑک اٹھی جس کے نتیجے میں بچے سمیت خاتون بھی زخمی ہوگئیں ۔ 

میڈیا رپورٹس میں بتایا گیا ہے کہ بچے نے  شرارت کرتے ہوئے موم بتی کے انتہائی قریب جا کر ڈیوڈرنٹ کا اسپرے کردیا جس کے بعد فلیٹ میں اچانک آگ بھڑک اٹھی، واقعے کی اطلاع ملتے ہی فائر بریگیڈ کا عملہ موقع پر پہنچ گیا اور آگ بجھانے کے لیے عمارت کے رہائشیوں کو باہر نکالا گیا۔

دوسری جانب عمارت کے رہائشی کا کہنا تھا کہ انہوں نے پہلے دھماکا سنا اور پھر فلیٹ سے باہر شعلوں کو نکلتے دیکھا جس کے بعد فائربریگیڈ کو اطلاع دی۔