ٹی 20 ورلڈ کپ : پاکستان نے بھارت کو شکست دیدی

ابوظہبی :پاکستان نے بھارت کو شکست دیکر ٹی 20 ورلڈ کپ کا شاندار آغاز کردیا ہے ۔ 

پاکستان کی جانب سے اوپنر محمد رضوان نے اور بابر اعظم نے تاریخی کارنامہ سر انجام دیتے ہوئے 152 رنز کا ہدف حاسل کرلیا ،بابر اعظم اور محمد رضوان کی جاندار بیٹنگ کے باعث پاکستان نے یہ ہدف  مقررہ اوورز سے پہلے ہی پورا کرلیا ۔ 

صرف 17 اوررز پانچ گیندوں پر ر 152 رنز کا ہدف حاصل کرلیا ۔ پاکستانی ٹیم نے بھارت کو دس وکٹوں سے شکست دیکر ٹی 20 کرکٹ ورلڈ کپ کی نئی تاریخ رقم کردی ۔ پاکستان کی جانب سے محمد رضوان اور بابراعظم نے بیٹ کیری کرنے کا اعزاز حاصل کرلیا ہے ۔ 

اور یہ پہلا موقع ہے کہ پاکستان نے کسی بھی ورلڈ کپ ٹورنامنٹ میں بھارت کو شکست دی ہے ۔ 

ٹی 20 ورلڈ کپ کے اہم میچ میں پاکستان کے سٹار بلے بازبابر اعظم نے بھارتی باؤلرز کا بھرکس نکال دیا ۔ انہوں نے اپنی نصف سینچری مکمل کرلی ہے ۔ان کی ٹی 20 کیرئیر کی یہ 21 نصف سینچری ہے ۔  جبکہ دوسری طرف اوپنر محمد رضوان نے بھی اپنی ففٹی مکمل کرلی ہے ۔ بابر اعظم نے 68 رنز بنائے جبکہ محمد رضوان نے 78 رنز بنائے اور ناٹ آؤٹ رہے ۔