ٹی 20ورلڈ کپ:انگلینڈ نے سری لنکا کو شکست دے دی

تفصیلات کے مطابق شارجہ میں کھیلے گئے سپر12 کے میچ میں سری لنکا کے کپتان داسن شناکا نے ٹاس جیتا اور گروپ کی سرفہرست ٹیم انگلینڈ کو پہلے بیٹنگ کی دعوت دی۔

انگلینڈ کی جانب سے جوز بٹلر نے دھواں دار بیٹنگ کا مظاہرہ کیا اور اپنے کیرئر کی پہلی ٹی ٹوئنٹی سنچری اسکور کی،ان کی اننگز میں 6 چھکے او 6 چوکے شامل ہیں۔

انگلینڈ کے کپتان مورگن نے بھی اچھی بیٹنگ کی اور 40 رنز بنائے،جیسن روئے نے13 رنز بنائے جبکہ ڈیوڈ ملان صرف 6 رنز بنا سکے۔

سری لنکا کی جانب سے ہسارنگا نے تین وکٹیں حاصل کیں ہیں۔ ہدف کے تعاقب میں سری لنکا کی پوری ٹیم 137 رنز پر ڈھیر ہوگئی ہے۔

سری لنکا کی جانب سے ہراسنگا ڈی سلوا 34 رنز بنا کر نمایاں رہے جبکہ کپتان داسن شاناکا اور راجا پکسا نے 26،26 رنز بنائے ہیں۔

انگلینڈ کے جانب سے معین علی،عادل رشید اور کرس جورڈن نے 2،2 وکٹیں حاصل کیں ہیں۔