وزیر اعلی پنجاب سے وفاقی وزیر داخلہ شیخ رشید کی ملاقات

تفصیلات کے مطابق  وزیراعلیٰ پنجاب سردار عثمان بزدار سے وفاقی وزیر داخلہ شیخ رشید احمد کی ملاقات ہوئی ہے، باہمی دلچسپی کے امور، سیاسی صورتحال اورامن عامہ پر تبادلہ خیال کیا گیا۔

وزیر اعلی پنجاب عثمان بزدار نے کہا کہ  معاملہ افہام و تفہیم سے حل ہونا پاکستان کی جیت ہے،  پاکستان کیلئے سب نے اجتماعی بصیرت کا مظاہرہ کیا،  تحریک انصاف کی حکومت سب سے پہلے پاکستان کے مفادات کو ترجیح دیتی ہے،  موجودہ حالات میں اپوزیشن جماعتوں کا رویہ ملکی مفادات کے منافی ہے،  حالات بہتری کی طرف جا رہے ہیں اور مزید بہتر ہوں گے۔ پنجاب میں امن و عامہ کی صورتحال بہتر ہے۔

وزیر داخلہ شیخ رشید نے کہا کہ  اللہ تعالیٰ کے فضل و کرم اور وزیراعظم عمران خان کی حکمت عملی سے معاملے کو بہتر انداز سے سلجھایا گیا،  پنجاب سمیت ملک میں امن وعامہ کی صورتحال اطمینان بخش ہے،  موجودہ حالات میں اپوزیشن جماعتیں ڈیڑھ انچ کی مسجد بنا کر منفی سیاست کر رہی ہیں۔