اسرائیل کے شام پر میزائل حملے

شام کی سرکاری خبر رساں ایجنسی نے تصدیق کرتے ہوئے کہا ہے کہ ان حملوں میں اسرائیل نے کئی میزائل داغے ہیں ،تاہم ابھی تک کسی جانی نقصان کی اطلاع نہیں ہے۔ اسرائیلی حکام کی جانب سے فوری طور پر کوئی تبصرہ نہیں کیا گیا۔

برطانیہ میں قائم سیریئن آبزرویٹری فار ہیومن رائٹس نے کہا کہ اہداف ایران کے حمایت یافتہ جنگجوؤں کے فوجی ٹھکانے اور اسلحہ ڈپو تھے۔

گذشتہ ہفتے کے روز بھی اسرائیل نے شامی دارالحکومت کے مضافات کی طرف میزائل داغے تھے، جنہیں شام کے فضائی دفاع نے روک دیا تھا۔

14 اکتوبر کو وسطی شام میں ایرانی ٹھکانوں پر اسرائیلی فضائی حملے میں شامی حکومت کے اتحادی نو جنگجو بھی مارے گئے۔ یہ حملے ایسے وقت میں ہوئے جب شام نے اسرائیل پر ملک کے جنوب میں حملہ کرنے کا الزام لگایا تھا۔

شام میں ایران کے بڑھتے ہوئے علاقائی اثر و رسوخ اور فوجی موجودگی سے گھبرا کر اسرائیل نے گزشتہ برسوں میں شام میں سینکڑوں حملے کیے ہیں لیکن شاذ و نادر ہی ایسی کارروائیوں کو تسلیم کرتے ہیں یا ان پر بات کرتے ہیں۔