محکمہ موسمیات نے ملک کے مختلف حصوں میں بارش اور برفباری کی پیش گوئی کر دی

ویب ڈیسک:محکمہ موسمیات نے 31 جنوری سے 3 فروری کے دوران ملک کے مختلف حصوں میں بارش اور برفباری کی پیش گوئی کر دی ہے۔

محکمہ موسمیات کے مطابق شمالی بلوچستان اور شمالی علاقوں میں آئندہ چند روز کے دوران بارش اور برفباری متوقع ہے۔

محکمہ موسمیات کے مطابق اسی طرح گلگت بلتستان، کشمیر اور خیبرپختونخوا کے مختلف علاقوں میں بھی بارش اور برفباری کا امکان ظاہر کیا گیا ہے۔

محکمہ موسمیات کی جانب سے مزید بتایا گیا ہے کہ یکم سے 3 فروری کے دوران اسلام آباد اور خطہ پوٹھوہار میں بارش ہو سکتی ہے، جبکہ پنجاب، مری اور گلیات میں بھی بارش متوقع ہے۔

محکمہ موسمیات نے خبردار کیا ہے کہ اس عرصے کے دوران بالائی خیبرپختونخوا، گلگت بلتستان اور کشمیر کے پہاڑی علاقوں میں لینڈ سلائیڈنگ کا خدشہ موجود رہے گا۔