مسلسل اضافے کے بعدسونے کی قیمت میں تاریخ کی سب سے بڑی کمی ریکارڈ، فی تولہ کتنے کا ہو گیا؟

کراچی: عالمی و مقامی مارکیٹوں میں مسلسل اضافے کے بعد سونے کی قیمتوں میں تاریخ کی سب سے بڑی کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز مقامی مارکیٹوں میں  24 گرام  سونے کی قیمت میں 35 ہزار 500روپے کی کمی ہوئی جس کے نتیجے میں سونا 5لاکھ 37 ہزار 362روپے فی تولہ ہوگیا۔

ایسوسی ایشن کے مطابق اسی طرح  10 گرام سونے کی قیمت 30 ہزار 435 روپے کم ہوکر 4 لاکھ 60 ہزار 701 روپے کی سطح پر آ گئی۔

اسی طرح چاندی کی قیمتوں میں بھی نمایاں کمی ریکارڈ کی گئی ہے، جہاں فی تولہ چاندی کی قیمت 1106 روپے کی کمی سے 11 ہزار 069 روپے کی سطح پر آ گئی جب کہ فی 10 گرام چاندی کی قیمت 949 روپے کی کمی سے 9 ہزار 489 روپے کی سطح پر پہنچ گئی۔

دوسری جاب عالمی بلین مارکیٹ میں آج جمعہ کے روز فی اونس سونے کی قیمت 355 ڈالر کی بڑی کمی سے 5 ہزار 150 ڈالر کی سطح پر آ گئی۔ 

واضح رہے کہ گزشتہ 2 روز میں سونے کی فی تولہ قیمت میں 42 ہزار سے زائد کے اضافے کے بعد سونے کی فی تولہ قیمت میں 35 ہزار روپے سے زائد کی کمی ہوئی جو رواں برس ایک ہی روز میں ہونے والی تاریخ کی سب سے بڑی کمی ہے۔