ٹی 20ورلڈ کپ:  آ ج دوٹیمیں مدمقابل ہونگی

تفصیلات کے مطابق ٹی ٹوئنٹی کرکٹ ورلڈ کپ میں آج  پاکستانی وقت کے مطابق دوپہر 3 بجے آسٹریلیا اور ویسٹ انڈیز کے درمیان مقابلہ ہوگا جبکہ رات 7 بجے انگلینڈ اور جنوبی افریقا کے ٹیمیں شارجہ کے میدان میں نظر آئیں گی۔

گروپ ون میں آج آسٹریلیا اور جنوبی افریقا کا گراؤنڈ میں تو مقابلہ نہیں تاہم دونوں ٹیموں میں سے ایک کے سیمی فائنل میں جانے کا انحصار آج ہونے والے میچز پر ہے۔

اس وقت پوائنٹس ٹیبل پر گروپ ون میں انگلینڈ پہلے، آسٹریلیا دوسرے اور جنوبی افریقا تیسرے نمبر پر موجود ہے۔ جبکہ اس گروپ میں شامل سری لنکا، ویسٹ انڈیز اور بنگلادیش سیمی فائنل کی دوڑ سے باہر ہوچکے ہیں۔

گزشتہ روز بھارت نے سکاٹ لینڈ کو 8  وکٹوں سے ہرا دیا۔ بھارت نے  گروپ 2 میں اپنا رن ریٹ افغانستان اور نیوزی لینڈ سے بہتر کرلیاہے ۔