عوام پیپلزپارٹی کی طرف دیکھ رہےہیں:بلاول بھٹو

تفصیلات کے مطابق بلاول بھٹو کا میڈیا سے گفتگو کرتے ہوئے کہنا تھا کہ لاہورمیں پیپلزپارٹی کی مقبولیت بڑھ رہی ہے، لاہورکے عوام بھی ہماری طرف دیکھ رہی ہے۔ وہاں پر کارکنوں کا جذبہ بہت اچھا لگا،عوام سمجھتے ہیں مسائل کا حل پیپلزپارٹی کے پاس ہے۔

ان کا کہنا تھا کہ 1970سے پیپلزپارٹی گھر بنا رہی تھی، یہ لوگ تو غریبوں کے سرسے چھت چھین رہے ہیں۔ وفاقی حکومت، خیبرپختونخوا، پنجاب کو چیلنج کرتا ہوں ایک سرکاری ہسپتال دکھا دیں جو این آئی سی وی ڈی ہسپتال کا مقابلہ کرسکے، جانتے ہیں ابھی بہت کام کرنا باقی ہے۔

انہوں نے کہا ہے کہ کراچی جیسے شہر کو ٹرانسپورٹ کی مزید ضرورت ہے، پیپلزپارٹی بس نہیں دے سکی تو کوئی اور جماعت بھی نہیں دے سکی، انشااللہ جنوری تک انٹرسٹی بس سروس شروع ہوجائے گی، انٹرسٹی بس سروس کی گرین لائن بس سے زیادہ ضرورت ہے۔

بلاول بھٹو کا کہنا تھا کہ آصف زرداری ملکی تاریخ کا سب سے طاقتور صدرتھا جس نے اپنے اختیارات پارلیمنٹ کو دیئے، اپوزیشن جماعتوں نے بلدیاتی قانون پر تنقید کی، مثبت تنقید کرنا جائزہے لیکن حقائق سے ہٹ کر نہیں، ہمیں کالا قانون کہنے والے لاہورمیں مرضی کا قانون لارہے ہیں۔

ان کا مزید کہنا تھا کہ کراچی میں ہم لوکل گورنمنٹ کے نمائندوں کو اختیارات دے رہے ہیں۔ لوکل باڈی الیکشن میں عوام صرف تیرکا ساتھ دیں گے۔