سینیٹ الیکشن 2021، پی ڈی ایم کے امیدواریوسف رضا گیلانی نے میدان مارلیا

تفصیلات کے مطابق سینیٹ انتخابات 2021 میں پاکستان ڈیموکریٹک موومنٹ (پی ڈی ایم ) کے امیدوار یوسف رضا گیلانی  نے پاکستان تحریک انصاف  (پی ٹی آئی ) کے امیدوارحفیظ شیخ  کو شکست دے دی۔ حفیظ شیخ نے  یوسف رضا گیلانی کو نشست پر جا کر مبارکباد دی۔

سینیٹ کی 37 خالی نشستوں پر انتخابات ہوئے۔ قومی اسمبلی  میں 341 میں سے 340 ووٹ کاسٹ ہوئے ۔ جماعت اسلامی کے عبدالاکبر چترالی نے ووٹنگ میں حصہ نہ لینے کا اعلان کیا جس کے بعد ریٹرننگ افسر نےرولز کے مطابق ان کا 5 بجے تک انتظار کیا۔

 سینیٹ انتخابات کا سب سے بڑا معرکہ وفاقی دارالحکومت اسلام آباد کی جنرل نشست پر ہوا جہاں سابق وزیر اعظم یوسف رضا گیلانی اور وزیر خزانہ عبد الحفیظ شیخ ایک دوسرے کے مدمقابل تھے۔ حکومتی اتحاد کے پاس 181 جب کہ اپوزیشن نشستوں پر موجود جماعتوں کے پاس 160 نشستیں تھیں   ۔سینیٹ الیکشن میں اسلام آباد کی ایک جنرل اورایک خاتون کی نشست پر مقابلہ ہوا۔