امریکا کا افغانستان کے منجمد اثاثے جلد بحال نہ کرنے کا عندیہ

تفصیلات کے مطابق ترجمان وائٹ ہاؤس جین ساکی کا کہنا ہے کہ افغان اثاثوں کا معاملہ کافی پیچیدہ ہے۔ منجمد اثاثے بحال نہ کرنے کی ایک سے زیادہ وجوہات ہیں۔ اثاثوں سے متعلق نائن الیون کے متاثرین نے کیس کر رکھا ہے۔طالبان کا بھلا کئےبغیر منجمداثاثوں کوافغان عوام تک پہنچانا بھی ایک بنیادی سوال ہے۔ اثاثےبحال کرنےسےمتعلق فی الحال کوئی پیش رفت نہیں ہوئی۔اتحادیوں اور شراکت داروں کیساتھ مل کر صورتحال کا جائزہ لے رہے ہیں۔

 یا د رہے کہ افغان وزیرخارجہ نےحالیہ انٹرویو میں امریکا سے اثاثے بحال کرنے کا مطالبہ دہراتے ہوئے کہا تھا کہ افغانستان کو غیر مستحکم یا افغان حکومت کو کمزور کرنا کسی کے مفاد میں نہیں۔ اثاثے جاری ہونے سے شدید مشکلات سے دوچار لاکھوں افغانوں کو فائدہ ہوگا۔