محکمہ داخلہ سندھ  کا کورونا وائرس کے ایس اوپیز کے حوالے سے نیا حکمنامہ جاری 

محکمہ داخلہ سندھ کی جانب سے جاری کردہ نوٹیفکیشن کے مطابق  ہوٹلز اور ریسٹورنٹس میں انڈور اور آوٹ ڈور ڈائننگ رات 12 بجے تک ویکسینیشن کرانے والے افراد کو اجازت ہوگی،  کراچی ، سکھر اور سانگھٹر میں 70 فیصد جبکہ دیگر شہروں میں 50 فیصد کی کی اجازت ہوگی،  ہوم ڈیلیوری، ٹیک اوے سروس 24 گھنٹے کی جاسکے گی۔

نوٹیفکیشن کے مطابق   شادی ہالز میں آؤٹ ڈور تقریبات کا انعقاد 1000 مہمانوں کے ساتھ کیا جاسکے گا،  شادی ہالز میں 500 مہمانوں کے ساتھ ان ڈور تقریبات کی اجازت ہوگی۔  سندھ میں کاروباری اوقات کار رات 10 بجے تک ہوں گے۔

نوٹیفکیشن میں کہا گیا ہے کہ  پارکس یس او پیز کے ساتھ کھلے رہیں گے،  سندھ بھر کے مزارات ایس او پیز کے ساتھ کھلے رہیں گے،  انڈور جمز بھی ایس او پیز کے ساتھ کھلے رہیں گے،  ریلوے سروس کو سو فیصد آپریشن کی اجازت ہوگی ،  ہفتے میں تمام دن کاروبار کی اجازت ہوگی۔ فیصلے کا اطلاق 30 دسمبر تک ہوگا۔