سابق صدر آصف علی زرداری نے سابق وزیراعظم عمران خان کو قانونی نوٹس بھجوادیا،عمران خان نے آصف زرداری پر اپنے قتل کی سازش کا الزام لگایا تھا، عمران خان کا بیان اخبارات میں بھی شائع ہواتھا۔

ذرائع کے مطابق آصف زرداری کی جانب سے فاروق ایچ نائیک نے لیگل نوٹس بھجوایا،عمران خان لیگل نوٹس ملنے کے 14 روز میں غیر مشروط معافی مانگیں۔

معافی نہ مانگی تو10 ارب روپے ہرجانے کا کیس کرونگا، قانونی کارروائی کا حق رکھتا ہوں۔

موسم کی خرابی کے باعث محمد بن زید النہیان کا دورہ پاکستان منسوخ 
ذرائع کے مطابق متحدہ عرب امارات (یو اے ای) کے صدر محمد بن زید النہیان  نے پاکستان پہنچنا تھا مگر موسم کی خرابی کے باعث یہ دورہ منسوخ کردیا گیا ہے۔

 متحدہ عرب امارات کے صدر کا دورہ دونوں ممالک کے تعلقات ، تجارت میں بہتری کیلئے بہت اہمت کا حامل ہے۔

تحدہ عرب امارات کے صدر کا دورہ اسلام آباد کی تاریخوں کا دوبارہ اعلان کیا جائے گا۔

سابق وفاقی وزیر داخلہ شیخ رشید نے لال حویلی کے باہر صحافیوں سے  گفتگو میں کہا کہ آصف نامی آدمی رانا ثنااللہ کا فرنٹ مین ہے، انہوں نے میری 16وزارتیں کی انویسٹی گیشن کی ان کو کچھ نہیں ملا، لال حویلی گرا کر دکھاؤ میں اینٹ سے اینٹ بجا دوں گا۔
  
سابق وفاقی وزیر نے مزید کہا کہ لال حویلی کی ایک تاریخ ہے، یہ ایوب خان کے خلاف بھی تھی ، نوازشریف کے خلاف بھی تھی ، لال حویلی آج کی حکومت کے خلاف بھی اپنا کردار ادا کررہی ہے۔

 ہم آپ کو بتائیں گے کہ الیکشن کس کو کہتے ہیں، عمران خان میرے حلقے میں بھی الیکشن لڑیں گے ، عمران خان اور اسد عمر کے بیان دینے پر شکریہ ادا کرتا ہوں، بوڑھا ضرور ہوگیا ہوں  لیکن لڑائی کا جذبہ ختم نہیں ہوا، عمران خان آنے والا وزیراعظم ہے، میں عمران خان اور سچائی کے ساتھ کھڑا ہوں، ہم ہائی کورٹ جارہے ہیں،سپریم کورٹ تک بھی جائیں گے۔

شیخ رشید نے کہا کہ مجھے رات یہ گرفتار کرنے کا سوچ رہے تھے، لال حویلی پر قبضہ کرنے کی کوشش کی تو مری روڈ بلاک کردوں گا۔

 لال حویلی یونیورسٹی کو عطیہ  کرچکا ہوں ، کسی میں ہمت ہے تو لال حویلی گرا کر دکھائے۔