عراق ، شاپنگ سینٹر میں خوفناک آتشزدگی کے نتیجے میں 50 افراد ہلاک

عراق کے شہر الکوت میں ایک بڑے شاپنگ سینٹر میں لگنے والی خوفناک آتشزدگی کے نتیجے میں کم از کم 50 افراد کے ہلاک ہونے کی اطلاع سامنے آرہی ہیں۔

سوشل میڈیا پر وائرل ہونے والی غیر مصدقہ ویڈیوز میں ایک بڑی عمارت کو شعلوں کی لپیٹ میں دیکھا جا سکتا ہے، جہاں سے دھوئیں کے بادل اٹھ رہے ہیں۔

بالفيديو | واسط : هذا ما تبقى من "هايبر ماركت الكوت" الذي أتت عليه النيران بالكامل ، بعد أيام قليلة من افتتاحه#قناة_الغدير_الخبر_في_لحظات pic.twitter.com/QqOQ1OVCSY

— قناة الغدير (@alghadeer_tv) July 16, 2025

رپورٹ کے مطابق گورنر محمد المیاحی نے کہا کہ شہر کے ایک بڑے شاپنگ سینٹر میں افسوسناک آگ کے نتیجے میں مرنے والوں کی تعداد تقریباً 50 ہو چکی ہے۔

ایران کی سرکاری خبر رساں ایجنسی آئی این اے کے مطابق، آگ لگنے کی وجہ تاحال معلوم نہیں ہو سکی، تاہم ابتدائی تحقیقاتی نتائج دو روز میں جاری کیے جائیں گے۔

گورنر نے مزید کہا کہ ہم نے عمارت اور مال کے مالک کے خلاف مقدمات درج کر لیے ہیں۔

واقعے نے پورے علاقے میں سوگ کی کیفیت پیدا کر دی ہے، جبکہ متاثرہ مقام پر امدادی کارروائیاں جاری ہیں۔