رمضان المبارک، حکومت کی عوام کے لیے بڑے ریلیف پیکج کی تیاری

‏ تفصیلات کے مطابق رمضان پیکیج کے تحت حکومت کی جانب سے  19 اشیائےضروریہ پرسبسڈی دی جائے گی۔ 19 اشیاء ضروریہ پر10 سے 50 روپےتک سبسڈی کی تجویز دی گئی ہے جبکہ رمضان پیکیچ کےتحت چینی 68 روپے فی کلو  ، 20 کلو آٹے کا تھیلا 800 روپے، گھی 200 روپے فی کلو کرنے کی تجویز کی گئی ہے۔

چائے کی پتی پر 50 اور دودھ پر 20 روپے ، خوردنی تیل پر 20 اور دال چنا پر 15 روپے فی کلو سبسڈی کی تجویز ہے جبکہ دال ماش اور دال مونگ پر 10,10 روپے فی کلو ،دال مسور پر 30 روپے ،دال چناپر25 اور بیسن پر 20 روپے فی کلوسبسڈی تجویز کی گئی ہے۔

کھجور  پر 20 روپے ، باسمتی اورسیلا چاول پر دس دس روپے جبکہ ٹوٹاچاول پر12 روپے فی کلو سبسڈی دینے کی تجویز ہے۔

1500 ملی لٹرمشروبات کی بوتل پر 25 روپے اور800 ملی لٹر بوتل پر20 روپے سبسڈی تجویزکردی گئی۔